每份工的最後一段時間是最麻煩。再加埋這裏盛行大家都不願做的風氣，我離職的事肯定十分注目。
星期三上午係教員室開會，頂頭上司向組內老師成員交代本人離職的事。今年暑假，本來每年的例行公事外，再加埋裝修，要周圍貼膠布。那些自己本身都做開的事，咪用餘下的時間，做得幾多得幾多。
開會時有其他唔關事的老師聽到我離職的事。
在下午我預備向副校長提交最後放有薪假文件的時候，副校長正同那位喜歡"老屈"我做事的老師相談事情。那位老師最喜歡在死線前一分鐘才指人做事，上年同一段時候要出Report，個個都被佢指到死。今年的Report有新玩法，我老早知道老師在死線前才開工做實趕唔切。之前放長假又唔見佢開工做，而家想要我幫佢做事的時候突然知道我離職，佢有乜辦法唔驚。
副校長開口，想我加多一星期的鐘，專門招呼這位"老師"。現在本人已經是"無責任"，我還需要理會這些"老屈"俾我的工作嗎？我自己都要時間收拾東西起行，再加埋若果我答應了，實俾佢指死。我同副校長講，本來我可以交出信後馬上走人，而家額外多俾兩星期通知，已經仁至義盡。我再加多句之前離職的那位同事只是三日通知，都批准了，為何要為難我。我最後暗吋學校，又要馬兒好，又要馬兒不吃早。
最後副校長黑口黑臉簽了有薪假文件，正式確認我的離職日期。副校長的完場話是我在這裏多一個星期，都解決唔到"老師"的問題。
Add new comment