原文貼在HKEPC。
數天前要把用開的Mon移位，斷電。之後插番電源，按Power完全沒反應。雖然Mon用了六年，要把它拿去推填我都沒有意見。不過用開的突然之間死亡，多數是供電系統有問題。總之拆開睇睇電路板，再想想之後點做。
睇番之前的Post(http://www.hkepc.com/forum/viewthread.php?tid=1723149)，要把它打開是艱鉅工程。用了一小時，攪到手指甲內出血，才開到個機殼。
高壓板型號是IP-35155A，和Post那塊BN44-00123C不同，零件明顯少了很多，不過病徵都是一樣，粒25V 470uF的Cap大了肚，板用CapXon 105度Cap。CapXon的Cap，用了咁耐算係咁。把全部的Cap換了睇睇得唔得。
首先要買Cap，去華輝個網睇過，Rubycon YK只頂到85度，不合用，去公公婆婆檔找，又未必找得齊(要七款，電壓容量完全不同，每款只要一兩粒)。最後上RS落單，主要是買Rubycon ZL/YXF，有一款用了Panasonic FC(因為Rubycon沒現貨)，最後一粒大的用了Nichicon GU(450V 100uF，26蚊一粒)，每款最少都頂到3000小時。去RS買，好處是貨齊，不過每樣東西最少買五粒，咁多野就用了二百蚊。星期六晚下單，星期一下午DHL送到屋企門口。
屋企那隻40W烙鐵，對於那些ROHS的無鉛錫，顯得有心無力。最後要出埋吸錫線，才叫做清得走板上的錫，不過板上有些焊點唔見了銅，要飛線。換了所有Cap，落膠水，接好電線。通電OK。
燒了四小時機，確定沒有問題，裝回機殼，收工。個Mon又可以用多六年。
多謝收看。
Add new comment