未睇完紅白比賽，就要坐電車由"千葉駅"到"成田駅"，預備上成田山新勝寺，去參觀日本人"初詣"。
今晚JR通宵行車
節日例牌出現的屋台
前面燈火通明的地方就是"新勝寺"。在這裏度過了12:00。
主殿人頭湧湧
賣吉祥物的小店
果然是郊外，總之沒有人群的地方，就會越行越凍。快快行番去車站，飲了兩罐熱飲暖身。在有暖氣的候車室等了兩小時，時不時都恰眼瞓。
坐下一班特急電車，去睇日出。
每年新年，都會有數班「犬吠初日の出号」特急電車(全車指定席)從東京出發，接載乘客去千葉県最東面的海岸市鎮"銚子"看日出。我一到埗日本，就訂這班車車票。若果在聖誕才訂，一定訂唔到。若果訂不到這班特急的車票，也有一班特別的普通電車04:00左右出發，由"成田駅"出發到"銚子駅"。
到達"銚子駅"後，要轉另一間公司的電車到"犬吠駅"。到達"犬吠駅"後步行約十分鐘後，就到達最東的"犬吠埼灯台"。
犬吠駅，又係人頭湧湧
犬吠埼灯台
風好大好凍。周圍人越來越多，大家企定定等日出。
佢應該在最好的位置
許願氣球
天未全光，就要馬上回去"犬吠駅"，坐電車回去"銚子駅"趕特急電車。因為實在人太多，若果去到"犬吠駅"因人太多而上不到電車，咁一定趕唔上"銚子駅"的特急，又要乾等三四小時。好眼瞓，想快D趕返去千葉酒店訓覺。結果都趕得上回千葉的特急電車。
回到千葉駅，心思思走去電器店，睇睇仲有沒有新年福箱剩。去到已經見到好東西已經賣得八八九九。而我有興趣的，只有售20000円的數碼手提攝錄機的福箱。取票，排了半小時，俾錢取貨走人。
排隊期間見到有條茂利，人地講到明每人只能買一箱，自己手上已經拿住一箱，仲走去取票處想買多一箱。結果當然是被人請食檸檬。
排隊飛仔
福箱
箱內的東西
上網查一查，睇番其他人的comment，才發覺這款手提攝錄機錄影的映像解像度十分之低，只能用"玩具"來形容。無言...
Add new comment