記唔記得我之前用差唔多夠買來回機票的價錢，買一張單程票，仲有俾旅行社多食$200的故事？之後發生的事同這個有關。
出發前幾日，才上網選座位，已經發覺坐滿了9成半。
雖然今天坐下午機，因為有個朋友係機場做，係上機前想同佢食飯，所以早些去機場。但我實在太早去了，要係離境大堂等1小時，Check In櫃位才開始辦公。行李超重少少，沒有叫我補錢。地勤見我只得單程機票，又同我講要用來回機票才能入境那句話。我同他講我有簽証後，她再沒有問我問題。
之後入禁區，和機埸做的朋友食下飯、吹下水，夠鐘時就排隊上機。當排到我的時候，登機証過唔到機。職員望一望大表，馬上撕掉我的登機証，又從一推登機証中找另外一張給我。之後同我講"你的坐位在商務艙裏"。
9成9係超賣機票。為何我有份，因為我的機票Class夠高。有你冇你，坐底先至算。餐點如下：
日落的景色真美。
飛機係7:30pm着陸關西機場。我就是坐這架"Star Alliance"塗裝的飛機。
去到"入国審査"櫃位，發覺好多人排隊。排了差唔多40min才輪到我。之前因為見到發生過攪錯"上陸許可"的事件，為了避免自己成為另一個受害者，我預先講定我有簽証。當取完護照後，自己再檢查一次，確定沒有攪錯之後就去取行李。
拿著行李過海關。關員見到我手上有兩張"申告書"後，問我是否搬屋。我答他因工作假期入國。他沒有檢查行李，看過"申告書"上的內容後，打印放行。前後5min都不用。
當步出禁區的時候，已經是8:15pm。從大行李箱中拿出今晚要用的東西，然後就用"宅配便"把它寄到學校宿舍。盛惠1,710円。
寄完行李，就坐巴士去大阪梅田。盛惠1,500円。架巴士冷氣唔夠，熱了一個鐘才到。
今晚入住新阪急酒店，房價7,000円，包早餐。
房間間格如下。
Add new comment