今次旅程由北到南，差唔多日日都要坐車。很多時因為要趕車而沒有時間可以坐定定食餐飯，所以要買便當拿上車醫肚。三文治，壽司那些太普通唔影，只影一些特別的便當。
(一)在東京駅買的"牛肉どまん中"。一朝早由山形新幹線由米沢送到東京，所以在東京駅太早買唔到，太遟都買唔到。味道唔錯，值得一試。
(二)北海道長万部駅的"かにめし"，在坐北斗特急電車去札幌時，請車上小賣部姐姐幫手訂的。便當會在電車經過長万部駅時送上車，然後分給乘客。當日天氣很凍，而車內好勁暖氣，個便當在車內放了三小時，因此沾滿了濕氣。相片是到了札幌去到酒店時拿出來食時的樣子。
(三)坐新幹線由札幌南下時買的"山海ほたてめし"，只係想食帶子，所以才買。味道一般。
(四)在東京駅買的"昔懐かしカツサンド"。雖然豬扒唔係即炸，但炸衣仍然酥脆，也帶有很香的酸醬味。而且豬扒真的十分厚，食完之後係會覺得頂肚。
(五)在大阪駅買的燒牛肉便當。請店舖的職員先用微波爐翻熱，然後才帶上車食。燒肉便當果然是熱食才好味。
Add new comment